Шивнэх vгс чих дэлднэ

Ийм л бодол тєрvvлэх єдєр байлаа. Єглєє бичиг хэргийн ажилнуудаа зохицуулсаар байтал єдрийн хоолондоо хоцрох шахав. Гэдэг нь Токиод ирснийх сайхан сvшидье гэж бодсон юм. Токиод Сvши гэвэл мэдээж Цvкижи. Окасантайгаа хамт Эдогин орлоо. Токиогийн хамгийн сайн сvшитэй газруудын нэг. Хамгийн гол нь тэр єдєртєє Цvкижигийн зах дээрээс авсан загасаа єдєр болтол зарж дуусгадаг тул хоёроос хойш сvшигийн захиалга авдаггvй. Тэгээд л би хоёроос ємнє ажлаа амжуулах гэж гvйж гаравдаа. Яг нэг хагаст ороод бараг л сvvлийн зочин байв.

Энэ єдєр яагаад ч юм сашимидах хvсэл тєрєєд байв. Хэдий тохиромжтой vе биш ч Окасанг хvчилж байгаад сашимидав. Хэрвээ диваажин гэж байгаад тэнд бурхадад хоол єгдєг байсан бол ийм л хоол єгєх байсан байхдаа гэж бодогдом сайхан амт байлаа. Загас гэдэг амьтан тvvхийгээрээ, бас шинээрээ ийм сайхан амттай байдаг байна даа гэж бишрин, амаар урсан гарах гэж байгаа ходоодны шvvсээрээ дэвтээн бор гэдэснийхээ “магнайг” нь тэнийлгэлээ. Энэ рестораны хувьд дунджаар 3000 ейн буюу 30000 орчим тєгрєг хэрэгтэй боловч хямдхан, амттай юм идье гэвэл эртхэн очиж Тусгай Єдрийн хоол(Lunch Special) захиалахад 1000 ейнд багтна.

Дараа нь хуучин сургууль руугаа очиж ивээлийг нь хvртсэн багш нартайгаа уулзах байв. Тэгсэн баагий нар чинь чалчаад салдаггvй. Багш бvрт арван минут хувиарласан чинь цаг гараад явчихваа…Ингээд л бvх тєлєвлєгєє дампуурлын байдалд оров.4-6, 6-8,8-9 гэсэн дарааллаар уулзах тєлєвлєгєєтэй, бас дээр нь дєрвєєс ємнє хэдэн хvvхэдтэй сургууль дээрээ уулзах бодолтой байсан чинь хэдийн 4:30!!!Эхнээсээ утасдаж эхлэв. Ямартай ч 4н хvмvvстэй сургуулийн оролцоо уулзаад салъя гэтэл цагийн дотор согтоод авдаг юм байна. Нэг нь хєл дээрээ явж чаддаггvй ээ. Яасан ч амархан юм. Удалгvй анхны кянсэлийн мэйл орж ирлээ. Айтакатта. Тэгсэн согтуу найзууд маань давраад бидэнтэй ердєє цаг хагас байхыг зєвшєєрєхгvй гэж дайраад 6-аас уулзах найзууд дээр хамт очно гэдэг байгаа. Намайг хvчээр яриулаад тэд нар дээр очих болвоо. Очсон чинь хэдийн хагас цаг хоцорсон байв. За тэгээд эхэлчихсэн хvмvvс яаж зvгээр байхав. Уу уу бас дахин уу гэдэг л юм болж. Удалгvй найм болвоо. Дундуур нь гялс гарч уулзаад ирэв. Энэ удаад гайхамшигтай амжуулсан боловч хvлээж байсан хvмvvс маань хагас цаг хvлээлгэсэн гээд надад шийтгэл тогтоочихсон байдаг байгаа…Хvлээхээс єєр арга байсангvй.

Удалгvй бас нэг найз маань Хонконгоос ирсэн сурагтай, одоо яваад очлоо гэдэг байгаа. АААААААААА, би мэйлдээгvй байхад согтуу толгой мэйлдээд надтай ууж байна гээд “хов зєєчихсєн” байдгиймдаа. Тэр найздаа хэлээгvй мэт муухай сэтгэгдэл тєрvvлчих шиг болов. АААААААААА, тэгсэн тэр найз ирээд сууж байтал бас нэг найз тэр лvv мэйлдэж байгаад надтай ууж байгааг мэдчихэж. Уул нь урьд нь уулзъя гэсэн чинь халуунтай байна дараа болъё гэсийм. Мартаж орхиж…”масака одоо монголоотой ууж байгаан биш биз?” гэж мэйл ирснийг надад vзvvлэв.

АААААААААААААААА

Уучил уучил, намайг тvмэнтэй уучил. Ердєє гуравхан хоног тєлєвлєсєн миний буруу. Арай жаахан удаан Токиод байдаг байж…Гэж байтал сvvлчийн метроны цаг болов. Маргааш нь нисэх байдаг. Удаан уулзалдаагvй, бас хаа хамаагvй хvмvvс цуглаад сайхан байсан болохоор одоо яая гэхэв, vvр цайлгая гэж бодож байтал хамгийн эрт согтсон баагий гэнэт ухаан орсон уу яасан харина гэдэг байгаа. Гvрийсээр байгаад харьдаг юм даа…Бид ч дагаад л харив, маргааш нь ихэнх нь ажилтай юм хойно…

За ингээд гэртээ иртэл хэдийн нэг цаг. Чимээгvйхэн хаалгаа онгойлгоод ортол ємнє Окаасан зогсож байдаг юм даа!!!

“Унтахгvй яасан бэ?” гэтэл “Амласан бол амласан” гэдэг юм даа. Уул нь Окаасан надад бяслагны бялуу яаж хийхийг зааж єгнє гэсэн юм. Би их дуртай л даа, гэхдээ америк бялуунууд хэтэрхий чихэртэй болохоор таалдаггvй юм. Хийхэд амархан учраас энэ удаа очиход Окаасан зааж єгнє гэж амласан  юм. Тєлєвлєгєє ёсоор бол аравт гэртээ хариад бялуугаад заалгаад амжих байлаа. Гэхдээ би оройтно, унтаж байгаарай гэж мэйлдээд, Окаасан за гэсэн дээ. Окаасан гомдсон жоохон хvvхэд шиг уруулаа унжуулчихсан, “Маргааш хийж амжихгvй юм чинь єнєєдєр л хийнэ, хэлсэн амандаа суух хэрэгтэй” гэж байна. Хушуугаа унжуулчихсан хvний єєдєєс олон юм ярих хэцvv, за л гэлээ.

Нэг юм яриад л байна, нэг юм хутгаад л байна…Дєрвєєс хойш уучихсан хvний толгойд юу ч орох шинж алга. Зvгээр л орон дээр дээш харж хэвтээд нам унтмаар байлаа. Юу ч цээжлэхгvйгээ мэдээд камертаа бичээд авав. Дараа нь бичлэгээ vзсэн чинь vнэн алиа юм байна, дандаа хvний хєл авчихсан ч байх шиг, фокус нь орж араад л, гуйваад л…

Хийж дуусаад Окаасан усанд ор гэдэг юм байна. За больж vзье. Би хиртэй, бохир гэж хэлээд дээш гарав. Оронд оронгуутаа кадар тас. Оцукарэ!!! єєртєє хэлмээр vг байлаа…